२४ नोभेम्बर २०१६  का दिन केरला राज्यको विशेष कमान्डो फोर्स 'ठण्डरबोल्ट' ले कब्जामा लिएर हत्या गरी केरला राज्यको निलाम्बर जंगलमा लगेर फ्यालिएका भारतीय कम्युनिस्ट पार्टी ( माओवादी) का केन्द्रीय सदस्य तथा पश्चिम घाट इन्चार्ज कमरेड देवराज र  कर्नाटककी माओवादी महिला नेतृ अजिथाको हत्या सन्दर्भलाई लिएर भारतका मानव अधिकारवादी संस्थाहरूसमेत आन्दोलित भइरहेको र तिनीहरूविरुद्ध  केरला  राज्यमा कुनै मुद्दा दर्ता नभएको आवस्थामा केरला  प्रहरीले  तिनीहरूलाई किन मार्नु परेको हो भनेर अदालतले समेत कारण देखाउ आदेश जारी  गरेको छ र यो घटनाले जनस्तरमै  आन्दोलनले रुप लिन थालेको छ। यसलाई लिएर केरला र  पंजावमा जनसभाको समेत आयोजना गरिएको छ ।

भारतीय कम्युनिस्ट पार्टी (मार्क्सवादी) को नेतृत्त्वमा रहेको केरला सरकार मोदीको  केन्द्रीय सरकारप्रति भक्तिभाव देखाउंदै राज्यमा दमनकारी नीति लागू गरेर जनतालाई आतंकित पारिरहेको  छ भनेर  पत्रकार तथा बुद्धिजीवीहरूले सङ्घर्षका  विविध कार्यक्रमहरूको  घोषणा गरेका छन् । तमिलनाडु, केरला र कर्नाटकमा मुठभेडका नाममा गरिने हत्या लगायत वर्षौंदेखि मुद्दा नचलाई थुप्रै राजनीतिक बन्दीहरूलाई राखिने गरिएको कुरालाई लिएर  मानवाधिकारी  संस्थाहरूले विरोध जनाएका छन् l

यसैबीच भारतको दक्षिण राज्यका जेलहरूमा रहेका राजबन्दीहरूले १. मुठभेडका नाममा गरिने राजनीतिक बन्द गरियोस् २. हत्यामा संग्लन प्रहरीमाथि छानबिन गरी मुद्दा चलाइयोस् र ३. हाइ कोर्टका न्यायाधीशको नेत्रित्त्वमा न्यायिक छानबिन समिति गठन गरियोस् भनेर, जेलमा भोकहड्ताल  आरम्भ गरेका छन् l

आज ९ डिसेम्बरदेखि  आरम्भ हुने भोकहड्तालको पर्येक्षण मानवाधिकारवादी संस्थाहरूले गर्नेछन् l भोकहड्तालमा  निम्न राजबन्दीहरूको  अगुवाइ रहेको छ :
१.    श्रीमती चन्द्रा र कला : महिला जेल ट्रिची
२.    श्रीमती साइना  : महिला जेल कोयम्बटुर
३.    सुश्री रिना जोयस मेरी : महिला जेल भेलोर
४.    महालिंगम विवेक, बलामुरुगन : केन्द्रीय जेल, मदुराई
५.    रूपेश, वीरमणि , कानन, अनुप : केन्द्रीय जेल, कोयम्बटुर
६.    सुन्दर्मुर्थी, पुझाल : केन्द्रीय जेल, चेन्नाई
७.    रंजित : केन्द्रीय जेल तिरुनेवली