पाच दलीय  गठबन्धनको देउवा सरकारले पोलिटब्युरो सदस्य कृष्णराज पौडेल सहित नेकपा (मशाल )का डेढ दर्जन नेता कार्यकर्ताहरुलाइ गिरफ्तार गरेको छ । शान्तिपुर्ण रुपमा चुनाब बहिस्कारको आवहान गर्दै बाग्लुङ्गको कुश्मिशेरामा २०७९ कार्तिक २९ गते सभा गरिरहेका बेला प्रहरी प्रसासनले उनीहरूलाई गिरफ्तार गरेको छ ।

 

यसरी बागलुङमा पाचदलिय गठबन्धनको देउवा सरकारको गिरफ्तारिमा पर्ने नेकपा ( मशाल )का नेता कार्यकर्ताहरुमा पोलिटब्युरो सदस्य कृष्णराज पौडेल , अखिल भारत नेपाली एकता समाजका अध्यक्ष देब बहादुर लामिछाने , नेकपा ( मशाल ) बागलुङका सचिब नारायण सापकोटा , प्रवक्ता रेशम गिरि , रक्तिम सास्कृतिक अभियानका केन्द्रिय उपाध्यक्ष दल बहादुर बिक , अखिल भारत नेपाली एकता समाजका युवा नेता सुर्य थापा , नेकपा ( मशाल ) कास्कीका प्रवक्ता बिक्रम थापा , युवा वाम नेताहरु सागर कुवर , आकाश गौतम , बिनोद बिष्ट र रमाकान्त शर्मा र नेकपा ( मशाल ) काठमाडौंका नेता यम प्रसाद शर्मा लगायत रहेका छन । गिरफ्तार सबैलाइ प्रहरी चौकी कुश्मिशेरामा राखिएको छ । 

नेकपा ( मशाल ) बागलुङको आयोजनामा २९ कार्तिकका दिन कुश्मिशेरा बजारमा बहिस्कार सभा चलिरहेको थियो । प्रवक्ता रेशम गिरिको सन्चालनमा अघि बढेको सो सभालाइ जिल्ला सचिब नारायण सापकोटा र कास्की जिल्ला प्रवक्ता बिक्रम थापाले सम्बोधन गरिसकेका थिए । सभाका मुख्य वक्ता पोलिटब्युरो सदस्य कृष्णराज पौडेलले सम्बोधन गरिरहेका बेला प्रहरिले एक्कासी हस्तक्षेप गरेको थियो । मशालका नेता कार्यकर्ता र प्रहरी बिच केहिबेर घम्साघम्सी परेको थियो । प्रहरिले मशालका नेता कार्यकर्ताका साथै माइक र पर्चा लगायतका प्रचार सामाग्रीहरु पनि जफत गरेको छ ।

 स्रोत : हाँक सप्ताहिक (Facebook)