भारतीय कम्युनिस्ट पार्टी (माओवादी) ले भारतका उत्पीडित वर्ग तथा समुदायले गरिरहेको आन्दोलन खास गरेर केही महिनादेखि चलिरहेको किसान आन्दोलनलको पक्षमा भारतीय कम्युनिस्ट पार्टी (माओवादी) ले यही अप्रिल २६ तारिख तद्नुसार वैशाख १३ गते सोमबारका दिन ‘भारत बन्द’ को आह्वान गरेको छ । केही दिनअघि छत्तिसगढमा भएको माओवादी छापामारको सफलताका सन्दर्भमा ५ अप्रिल २०२१ का दिन जारी वक्तव्यमार्फत सो पार्टीका प्रवक्ता अभएले सो बन्दको घोषणा गरेका हुन् । जस्तो सो वक्तव्यमा भनिएको छ :
क्रान्तिकारी आन्दोलनलाई सिध्याउने उद्देश्यले लागि परेका सरकारी उच्च अधिकारीहरू षड्यन्त्रका अनेक तानाबाना बुनिरहेका छन् । इलेक्ट्रोनिक्स जिपियस ट्र्किङ हालेर पठाउनु, विष दिनु, कोबर्ट गर्नु, आत्मसमर्पणको नीतिको प्रयोग, दुष्प्रचार र मनोवैज्ञानिक युद्धलाई उनीहरू तीव्र बनाइरहेका छन् । यस किसिमको स्थितिप्रति सतर्कता बढाउनु आवश्यक छ ।  बम फिट गर्ने क्रममा सावधानी नअँगल्दा हाम्रा दुई जना योद्धा सहिद भएका छन् । त्यसैले बडो होसियारीका साथ हामीले प्राविधिक नियमहरूको पालना गर्नु पर्छ । हाम्रा सैनिक कारबाहीमा भएको प्राविधिक गल्तीका कारण कतिपय ठाउामा सर्वसाधारण जनतालाई नोक्सान पुगेको छ । यसमा हामी एकदमै दुखित छौँ र ती परिवारप्रति समवेदना प्रकट गर्छौँ । यस्ता गल्तीहरू फेरि नहोऊन् भनेर सचेत हुनु आवश्यक छ । दुस्मन आठ महिनाको  लक्षमा मात्र सीमित हुने छैन, यसको तीव्रत अझै बढ्नेछ र यसका सङ्केतहरू पनि आइसकेका छन् । यी  सबै कुरालाई ध्यानमा राखेर हामीले सतर्कता बढाउनु पर्छ । यसबारे जनतालाई पनि अवगत गराउनु आवश्यक छ । बहुलाएको दुस्मन आम नरसंहार  गर्न पनि पछि पर्ने छैन, यो ब्राम्हणवादी हिन्दूत्ववादी फासिवादीहरूको आम चरित्र हो । त्यसैले व्यापक जनतालाई गोलबन्द गर्दै अप्रिल २६ को भारत बन्दलाई सफल पारौँ ।