न्युनतम ज्याला, बढ्दो इन्धन मूल्य, राजमार्गमा प्रहरीद्वारा दिइने दुख, पार्किङ समस्या तथा च खास एप्सको मानोमानीजस्ता समस्यालाई लिएर चीनको लामो रुटका ट्रक ड्राइभरहरूले गत हप्तादेखि  आरम्भ गरेको आम हडताल अहिले विश्वव्यापी चर्चा र चासोको विषय बनेको छ । यस किसिमका सानातिना हडताल पहिले पनि हुने गरेको भए पनि खासखास प्रान्तबाट आरम्भ भएको यसपल्टको हडताल चीनव्यापी रूपमा  विस्तार भएको छ र यसले अन्तर्राष्ट्रिय चर्चा पनि पाएको छ । ८ जुनदेखि करिब ३० लाख ट्रक ड्राइभरहरू हडतालमा सहभागी छन् भनेर समाचार माध्यमहरूले जनाएका छन् । सामाजिक संजालमा '' चीनभरिका ३० लाख ट्रक चालक" लाई साथ दिन आव्हान गर्दै भनिएको छ :

''अब हामी चुपचाप बस्ने स्थिति छैन, एकताबद्ध भएर अब उभिनुको विकल्प छैन । " उनीहरूले राजमार्गमा गाडी तेस्र्याएर नाराजुलुस गरेका छन्।

 यो हडताल खास गरेर अनहुई, गुइझोउ, जियाङ्सी, हुबेई, हेनान साङदोङ, झेजियाङलगायत छुकिङ र साङ्घाईका सहरी क्षेत्र नगरपालिकाहरूमा बढी तीव्र बनेको छ । यी क्षेत्र भनेका हिजोका दिनदेखि नै संघर्षका क्षेत्रहरू हुन् । खास गरेर वर्तमान सामाजिक साम्राज्यवादी चिनियाँ कम्युनिस्ट पार्टीका जनघाती नीति, योजना र कार्यक्रम तथा साम्राज्यवादी पंतिस्पर्धाका विरुद्ध सन् २०१० मा गठित चिनियाँ कम्युनिस्ट पार्टी (माओवादी) ले यो हडतालप्रति ऐक्यबद्धता जनाएपछि चिनियाँ ट्रक ड्राइभरहरूको यो हडताल थप विस्तारित भएको छ । सामाजिक सञ्जालमार्फत गरिएको आह्वानका भरमा आरम्भ यो हडताल अब योजनाबद्ध र सङ्गठित रूपमा अघि बढेको छ ।

सि जिंपिङ सरकारले हडतालका समाचार नछाप्न तथा सामाजिक सञ्जाल र अनलाइनमा प्रकाशित समाचार डिलिट गर्न निर्देशित गरेको छ र हडताल नरोके कडा कारबाही गर्ने भनेर निर्देशन जारी गरेको छ । हङकङको 'लेबर बुलेटिन' ले प्रकाशित गरेको समाचार सरकारी निर्देशनमा डिलिट गरे पनि  पनि अन्य माध्यमहरूले समाचार निरन्तर प्रवाहित गरेका छन् र हडताल झन्झन् तीव्र बनेको छ । हडतालको पक्षमा निस्किएको जुलुसमा “जनविरोधी चिनियाँ कम्युनिस्ट पार्टी : मुर्दावाद !” को नारासमेत लागेको छ ।

'

ड्राइभरहरूलाई उधृत गर्दै समाचार माध्यमहरूले लेखेका छन् : “ तेल असाध्यै महङ्गो छ, गत हप्ता मात्रै ८ प्रतिशत बढाइएको छ । सारा तेल आफैँले हाल्नुपर्छ, ज्याला कम छ , एप्स शुल्क तिर्नु पर्छ, ठाउँठाउँमा पुलिसको चित्त बुझाउनु पर्छ । अब हाम्रा सामु हडताल र सङ्घर्षको विकल्प छैन ।”

यसैबीच चिनियाँ कम्युनिस्ट पार्टी (माओवादी) को “सङ्घर्ष समिति” ले सो हडतालप्रति ऐक्यबद्धता जनाउँदै “चिनियाँ ट्रक ड्राइभरहरूको हडताल: जिन्दावाद !” शीर्षकमा एउटा अपिल प्रकाशित गरेको छ । घटना र वस्तुस्थितिको व्याख्या गरिसकेपछि वक्तव्यमा भनिएको छ :