ताजा समाचारआमा, मलाई लिएर नरुनुहोला : जिएन साइबाबा
आमा, मलाई लिएर नरुनुहोलातपाईँ मलाई हेर्न आउनुभएको बेला
मैले तपाईँको अनुहार देख्न पाइनँ
फाइबर काँचको झ्यालबाट
मेरो अशक्त शरीरको झलक यदि तपाईँले देख्न पाउनुभएको भए
म अझै जिउँदै रहेछु भन्ने कुरा
थाहा पाउँन तपाईँलाई निकै सकस पर्यो होला ।
आमा, म घरमा छैन भनेर नरुनु होला
जतिबेर म घरमा
र खुला संसारमा थिएँ
मेरा थुप्रै साथीहरू थिए
अहिले म कारागारको गोलघरमा बन्दी छु
मैले विश्वभरिका
अझ थुप्रै साथीहरू पाएको छु ।
आमा, मेरो खस्कँदो स्वास्थ्यलाई लिएर उदास नहुनुहोला
म केटाकेटी छँदा,
एक गिलास दूध खुवाउन नसकेको बेला
तपाईँ मलाई साहस र शक्तिका शब्दहरू खुवाउनुहुन्थ्यो
दुःख र पीडाको यस घडीमा
तपाईँले खुवाउनु भएको शब्दबाट
म अहिले पनि बलियो छु ।
आमा, आफ्नो विश्वास नगुमाउनु होला
मैले अनुभूत गरेको छु, जेल मृत्यु होइन
यो मेरो अर्को जन्म हो
र म जब घर फर्कनेछु
म तपाईँको त्यही काखमा लुट्पुटिनेछु
जुन काखले आशा र उत्साहका साथ मलाई हुर्कायो ।
आमा, मेरो रिहाइलाई लिएर भयभित नहुनु होला
संसारलाई भनिदिनु होला
मेरो स्वतन्त्रता खोसिएको छ ।
के ती सबैका लागि मुक्ति प्राप्त गर्न सकिन्छ
जो मेरा साथ उभिएका छन्, र
धरतीका दुखीजनहरूको दुखःको कारण खोज्नुहोला
जसमा मेरो पनि मुक्ति निहित छ ।
डिसेम्बर १, २०१७
०००
कुराकानी
हामी जनयुद्धको सफलताप्रति पूर्ण विश्वस्त छौं : बसबराज, महासचिब भाकपा (माओवादी)
सन् १९५३ मा स्टालिनको र सन् १९७६ मा माओको मृत्यु भयो । त्यसपछि खु्स्चेवको नेतृत्वमा रुसले सारा समाजवादी मूल्यहरू ध्वस्त पार्दै सामाजिक....
मोहन बैद्य 'चैतन्य' सित 'शमी' वार्ता
साहित्य र राजनीति फरक फरक विषय हुन् । साहित्य कलात्मक हुनुपर्छ, यो
बिम्ब, प्रतीक, अलङ्कार, भावधारा र सौन्दर्यसँग जोडिएको हुन्छ । राजनीति,....
सबैभन्दा गम्भीर समस्या नेताहरूमै छ
(यो ऋषिराज बरालको अलि पुरानो अन्तर्वार्ता हो, तर ताजै जस्तो लाग्छ l यसमा
उठाइएका मुद्दाहरू अहिलेको सन्दर्भमा पनि उत्तिकै सान्दर्भिक छन् ...
देशलाई अर्धऔपनिवेशिक तथा नवऔपनिवेशिक अवस्थाबाट मुक्त गर्नका लागि निर्णायक संघर्षमा जानु पर्दछ : कमरेड किरण
(नेपाल कम्युनिस्ट पार्टी (क्रान्तिकारी माओवादी) का महासचिव कमरेड किरणको पछिल्लो अन्तर्वार्ता प्रकाशित भएको छ । समसामयिक विषय....
भिडियो फिचरview all
