भारतको छत्तिसगढ जिल्लाको सुक्मामा भारतीय कम्युनिस्ट पार्टी (माओवादी) का विरुद्ध प्रयोग गरिँदै आएको विशेष तालिम प्राप्त अर्धसैनिक बलका कमान्डो फोर्सका तीन दर्जनभन्दा बढी जवानहरूको मृत्यु र अति उच्च प्रविधिका हतियार माओवादी जन सेनाको हात परेपछि आत्तिएको भारतीय फासिवादी सरकारले ८ मेका दिन विशेष बेठक राखेको थियो र हिजो ८ मेका दिन गृहमन्त्री राजनाथ सिंहको अध्यक्षतामा दिल्लीमा यो बैठक सम्पन्न भएको छ ।

रक्षामन्त्री लगायत सम्बद्ध अन्य मन्त्रीहरू समेत,  विशेष रूपमा माओवादी अति प्रभावित भनिएका १० ओटा राज्य, बिहार, ओडिसा, उत्तरप्रदेश, महाराष्ट्र, छत्तिसगढ, झारखण्डका मुख्यमन्त्रीहरू तथा पश्चिम बङ्गाल, आन्ध्र प्रदेश,तेलङ्गना, मध्यप्रदेशका गृहमन्त्री र गृहका उच्च अधिकारीहरू उपस्थिति रहेको सो बैठकमा केन्द्रीय गृहमन्त्री राजनाथ सिंहले सुक्मा घटनालाई अमेरिकाको न्युयोर्कको ९/११ को घटनाका रूपमा लिन निर्देशन दिएका छन् ।
 
 उनले अब फेरि यस्ता घटना दोहोरिन नदिनु नै सुकमा घटनालाई बुझ्नु हो भनेका छन् ।  उनले ‘चाँदीको गोलीले नक्सल समस्या हल हुँदेन” भन्दै बढी आक्रामक हुन राज्य प्रशासन र प्रहरीलाई निर्देशन दिएका छन् । भारतीय पत्रपत्रिका अनुसार  उनले आक्रमण र रक्षा, गोली र विकास दुवैलाई सँगै लैजानुपर्ने कुरामा जोड दिएका छन् । उनले माओवादीहरूमाथि आर्थिक नाकाबन्दी गर्नुपर्ने कुरामा पनि जोड दिएका छन् ।  ''सबै क्षेत्रमा आक्रमकता'' मा उनको नीति रहेको  छ  ।

उनले भनेका छन् :

“हामीले हाम्रा नीतिहरूमा आक्रामकता ल्याउनुपर्छ : सोचाइमा आक्रामकता, रणनीतिमा आक्रकणता, सुरक्षा फौजको तैनाथीमा आक्रमणता, कार्यान्वयनमा आक्रमणता, विकासकार्यमा आक्रमणता, सडक निर्माणमा आक्रमकता ।”

उनले यसका लागि 'SAMADHAN'  (समाधान) को सूत्र अगाडि सारेका छन् । यसको अर्थ यस्तो छ । एस= स्मार्ट लिडरसिप, ए=एग्रेसिभ स्ट्राटेजी, एम= मोटिभेसन एन्ड ट्रेनिङ, ए= एक्सनेवल इन्टेलिजेन्स, डि=ड्यासबोर्ड बेस्ड कि पर्फमेन्स इन्डिकेटर्स एन्ड कि रिजल्ट एरियाज, एच्=हार्नेसिङ टेक्नोलोजी, ए=एक्सन प्लान फर इच थ्रेट, एन= नो एक्सेस टु फाइनान्सिङ ।

यसका लागि सिआरपिफको कार्यालयलाई कलकत्ताबाट छत्तिसगढमा सार्ने, अहिले भएको फोर्सले नपुग्ने हुँदा  गया र झारखण्डमा पनि दुइटा कमान्डो हेडक्वार्टर स्थापना गर्ने, हेलिकप्टरको सङ्ख्या बढाउने तथा शक्ति आपूर्तिका लागि नजिकै एयरपोर्टको निर्माण गर्ने निष्कर्ष बैठकले  निकालेको कुरा पनि समाचार माध्यमहरूले जनाएका छन् । अपरेसन कार्यलाई प्रभावकारी बनाउन तीनै थरी फोर्स समावेश गरेर  ‘ज्वाइन्ट कमान्डो फोर्स’ तयार पार्ने सुझावसल्लाह बैठकमा उठेको कुरा पनि समाचारमा उल्लेख गरिएको छ ।

 यसैबीच छत्तिसगढ राज्यमा  अन्य फोर्सका साथै विशेष कम्बिंग अपरेसनका लागि कुख्यात कोब्रा बटालियनसित सम्बद्ध २० देखि २५ ओटा कम्पनी  तैनाथ गरिने कुरा भारतीय संचार माध्यमहरूले  बताएका छन् l