नेपाल कम्युनिस्ट पार्टी  (क्रान्तिकारी माओवादी) ले आज फागुन १४ गते केन्द्रीय कार्यालयका नाममा अपिल जारी गर्दै अमेरिकाको मिलेनियम च्यालेन्ज कर्पोरेसनसँग नेपालले गरेको एमसीसी सम्झौता राष्ट्रघाती रहेकोले यसको खारेजीको लागि जारी संघर्षलाई थप नयाँ उचाइ प्रदान गर्न अपिल गरेको छ ।

केन्द्रीय कार्यालयका नाममा जारि ६ बुंदे अपिलमा भनिएको छ : 

प्रस्तुत छ अपिलको पूर्ण पाठ :

नेपाल सरकार र अमेरिकाको एमसीसी (मिलेनियम च्यालेन्ज कर्पोरेसन) का बीच सन् २०१७मा राष्ट्रघाती संझौता गरी नेपाललाई विद्युत प्रसारण लाइन र सडक विस्तार गर्नका लागि भनेर रु ५६अर्व अनुदान दिइने भनियो । अनि यो संझौता नेपालको विकास निर्माण र गरिबी निवारणका लागि अति उपयोगी, अचुक औषधि र रामवाणै हो भनेर ढोल पिटियो । यस संझौतालाई संसदबाट अनुमोदन गराउनका लागि अत्यन्तै ठुला षडयन्त्र र कसरत हुँदै आएका छन् । संझौताका विरुद्ध संघर्ष पनि निरन्तर चल्दै आएको छ । अव स्थिति निर्णायक मोडमा पुगेको छ ।

वस्तुतः एमसीसी संझौता किन राष्ट्रघाती छ त ? किनभन:

यसरी, उक्त विषयमाथि गंभीरतापूर्वक विचार गर्दा एमसीसी संझौता जनविरोधी तथा राष्ट्रघाती भएको स्पष्टै छ । परन्तु, नेपाली काङ्ग्रेसको गठबन्धन सरकारका प्रधानमन्त्री भने आँखा चिम्लेर अमेरिकी साम्राज्यवादको दलाली गर्दै एमसीसी संझौता विशुद्ध आर्थिक सहयोगमा आधारित रहेकोले यसलाई अनुमोदन नगर्दा देशको अन्तर्राष्ट्रिय छवि धमिलिने भन्दै संघर्षको मैदानमा उत्रिएका देशभक्त नेपालीहरुमाथि दमन तथा धरपकड गर्ने लगायतका निर्लज्ज काममा उत्रिएका छन् ।

यो बेला राष्ट्रिय स्वाधीनताको रक्षाको प्रश्न अत्यन्तै गंभीर र संवेदनशील बन्न गएको छ । यस स्थितिमा हाम्रो पार्टी सडक संघर्षमा उत्रिएका सम्पूर्ण देशभक्त जनता तथा वामपन्थी पार्टीहरुलाई संघर्षलाई नयाँ उचाइ प्रदान गर्न हार्दिक अपील गर्दछ । साथै, देशभक्त सांसदहरुलाई समेत राष्ट्रघाती संझौता खारेज गर्नका लागि दृढतापूर्वक उभिन विशेष अनुरोध गर्दछ ।”

फागुन १४, २०७८                                                                                                                          केन्द्रीय कार्यालय