चार महिनादेखि चितवनको भरतपुर अस्पतालमा औषधी उपचार गराइरहेका मार्क्सवादी साहित्यकार तथा पत्रकार अनिल शर्मा 'विरही' लाई अस्पतालबाट जबर्जस्ती डिस्चार्ज गराएर प्रहरीले अस्पतालबाटै गिरफ्तार गरेर मुद्दा छ भन्दै जनकपुर लगेको समाचार छ । 

कामको सिलसिलामा घाइते भई अस्पतालमा भर्ना भएका विरहीलाई प्रहरीले अस्पतालबाट गिरफ्तार गरेपछि अदालतले रिहाइ गर्न र पुनः गिरपतार नर्गन निर्देशन दिए पनि अहिले आएर  अनेक बहाना बनाएर पुनः वहाँलाई गिरफ्तार गरेको छ । 

मुलुकमा कोरोना महामारीका कारण सर्वत्र हाहाकार भएको र जेलका बन्दीहरूमा समेत सङक्रमण फैलिन थालेको  भनेर मानवअधिकार कर्मीहरू, पत्रकार र बुद्धिजीवीहरूले आवाज उठाइरहेको अवस्थामा औषधीउपचार गराइरहेको बिरामीलाई अस्पतालबाटै पक्राउ गर्नु निन्दनीय कार्य हो । साहित्यकार अनिल शर्माको गिरफ्तारीको निन्दा गर्दै साहित्यकार, पत्रकार र राजनीतिक सचेतकहरूले रिहाइको माग गरेका छन् । ‘जनमेल’ मार्क्सवादी साहित्यकार तथा पत्रकार अनिल शर्माको गिरफ्तारीको भ्रर्सना गर्छ र अविलम्ब रिहाइको माग गर्छ ।