------------------------------------------------------------------------------------------------------------------

'राज्यदमन विरुद्धको अभियान'  कोभिड–१९ सङ्क्रमित क्रान्तिकारी कवि  वरवर रावको यथाशीघ्र रिहाइको माग गर्दछ । परिवारबाट प्राप्त जानकारी अनुसार यताका केही दिनहरूमा वहाँको स्वास्थ्य एकदमै खराब रहेको छ । यो कुरा रावको बोली र व्यवहारबाट पनि थाहा हुन्छ । परिवार र अन्य क्षेत्रको लगातार दवाबका कारणले नै  जेलका अधिकारीहरू वहाँलाई अस्पतालमा लैजान बाध्य भएका छन्, परन्तु  अस्पतालमा  पनि उहाँको सही उपचार र रेखदेख नगरिएका समाचारहरू बाहिर आएका छन् । 

वरवर रावप्रतिको व्यवहारले कोभिड-१९ र सरकारको खराब नियतलाई उजागर गर्दछ । जेलमा थुप्रै राजबन्दीहरू त्यसमा पनि ६० नाघेका  राजबन्दीहरू थुप्रै छन् र सरकारको व्यवहार एकदमै नकारात्मक छ । अहिले राव लगायत आनन्द तेलतुम्डे, गौतम नवलखा, शोभा सेनहरू जेल भोगिरहेका छन् । यी सबैलाई सहरी नक्सली बनाएर फरक मत र विचारमाथि दमन गर्दै बिना कसुर अधिकारीहरूले जेलमा राखेका छन् । 

कोभिड- १९ मुलुकव्यापी भएसँगै धेरै भीडभाड हुने जेलमा कतिपय बन्दीहरू चूपचाप बेपत्ता भएका छन् । 

शारीरिक रूपमा ९० प्रतिशत असक्त ह्विलचेयरबिना यताउति गर्न नसक्ने  दिल्ली विश्वविद्यालयका प्राध्यापक साइबाबालाई पेरोलका लागि बारम्बार पुनरावेदन गर्दा पनि जेलमै राखिएको छ  र वरवर रावको स्थिति पनि त्यस्तै हुन सक्छ । प्राय गरेर  यस्ता व्यक्तित्वहरूलाई कतिपय प्रतिक्रियावादी सरकारहरूले सजाय नतोक्ने, तर अनुसन्धानका नाममा वर्षौँसम्म जेलमै राखेर सिध्याउने गरेका उदाहरण छन् । 

 दिल्लीको पुलिसले पक्राउ गरेका कयौं एन्टी सीएए, एनआरसी र एनपीआर कार्यकर्ताहरू रिहा भएको  अपिलका बाबजुद जेलमा कैद थिए र छन् भन्ने कुरा  भनिरहनु पर्दैन । राजनीतिक कैदीहरूलाई चिकित्सा सेवा दिन अस्वीकार गर्ने  नीति किसान नेता अखिल गोगोई र मानस कोनवारलगायत आसममा जेलमा परेका कोविड सङ्क्रमित  अन्य व्यक्तिहरूमा समेत लागु भइसकेको छ । यी सबै अचम्मको गैरकानूनी गतिविधि रोकथाम ऐन (युएपीए) र एनआइए ऐन प्रयोग गरी अस्वीकृत गरिँदैछ  । सामाजिक कार्यकर्ताहरूलाई बन्दी बनाउने र जमानत अस्वीकार गर्ने यी कडा कानुनहरूको प्रयोग कारागार र  मानव जीवन रक्षाको अधिकारको स्पष्ट उल्लङ्घन हो । 

कोरोना र लकडाउनका नाममा सुनवाइ स्थगित गरिएका छन् र अनुसन्धनका कार्यहरू समेत स्थगित गरेर ठाडो निर्णय गरिने गरेका छन् । भीम कोरेगावँको सन्दर्भ होस् अथवा अरू कुनै, हिन्दूवादी सरकारको विरोधमा उठेका हरेक आवाजलाई दबाउने हतियार बनेको छ सहरी नक्सलीको नाम र बद्नाम कानुनहरू । वास्तवमा राज्यसत्ता हिन्दूवादी सरकारका विरद्ध उठ्ने हरेक आवाजलाई दबाउन चाहन्छ । यसै अर्थमा ब्राम्हणवादी हिन्दूत्ववादी फासिवादको विरोध गर्नु, सबै राजनीतिक बन्दीहरूको रिहाइको माग गर्नु र देशभरिका जेलमा रहेका कैदीहरूको स्वास्थ्यमा ध्यान दिइयोस् भनेर माग गर्नु हाम्रो कर्तव्य बन्दछ ।

 ‘राज्य दमन विरुद्धको अभियान’ (सीएएसआर) आम जनताका साथ व्यापक मात्रामा एकजुट भएर फासिवादी शक्तिहरूको प्रतिरोध गर्न र राज्य दमनको विरोध गर्न समाजका सबै प्रगतिशील र प्रजातान्त्रिक तप्कालाई आग्रह गर्दछ । आउनुहोस्, हाम्रा मागलाई  अघि बढाऔँ : 

१) क्रान्तिकारी कवि वरवर राव र डा. जि. एन. साइबाबालाई तुरुन्त रिहा गर ।  

५) युएपिए, पिएसए, एनयसए सहित यस्ता सबै  जनविरोधी  कानुनहरू खारेज गर । 

 Organizing Team: