क्युबाका पूर्व राष्ट्रपति फिडेल क्यास्ट्रोको ९० वर्षको उमेरमा  २६ नोवेम्बर २०१६ निधन भएको छ। सबैले आ-आफ्नो चिन्तन र बुझाइअनुसार क्यास्ट्रोको बारेमा धारणा व्यक्त गरिरहेको सन्दर्भमा नेपाल कम्युनिस्ट पार्टी (क्रान्तिकारी माओवादी) का अध्यक्ष कमरेड किरणले फिडेल क्यास्ट्रो सामन्तवाद- साम्राज्यवाद विरोधी देसभक्त राजनीतिक योद्धा भएको  र उनको ''निधनवाट क्युबा मात्र होइन, विश्वले समेत एउटा सच्चा देशभक्त मित्र गुमाएको अनुभूति भएको छ", भन्नु भएको छ l तल वक्तव्यको पूर्ण पाठ प्रस्तुत गरिएको छ :
 
                                श्रद्धाञ्जली वक्तव्य
२६ नोवेम्बर २०१६ मा क्युबाका पूर्व राष्ट्रपति तथा एक देशभक्त राजनीतिक योद्धा फिडेल क्यास्ट्रोको ९० वर्षको उमेरमा निधन भएको छ । उनको नेतृत्वमा क्युबाको पुरानो सकारलाई पल्टाएर नयाँ सरकार बनाइएको थियो । उनलाई सत्ताच्यूत सत्ता गर्न अमेरिकी साम्राज्यवादद्वारा धेरै असफल प्रयत्न गरियो । उनी साम्राज्यवादको विरोध र देशभक्तिको पक्षमा सशक्त रूपमा उभिए । उनको निधनवाट क्युबा मात्र होइन, विश्वले समेत एउटा सच्चा देशभक्त मित्र गुमाएको अनुभूति भएको छ । यस दुःखद अवसरमा हाम्रो पार्टी सामान्तवाद विरोधी एक देशभक्त योद्धा तथा मित्रप्रति भावपूर्ण श्रद्धाञ्जली अर्पण गर्दछ । साथै, शोकसन्तप्त क्युबाली जनताप्रति हार्दिक समवेदना समेत व्यक्त गर्दछ ।

मिति १२ आइतावार २०७३