लेनिन जन्म दिन तथा 'नेपाल कम्युनिस्ट पार्टी' स्थापना दिवसका सन्दर्भमा नेपाल कम्युनिस्ट पार्टी (क्रान्तिकारी माओवादी) का महासचिव मोहन वैद्य ‘किरण’ ले जारी गरेको प्रेस वक्तव्य सो पार्टी सम्बद्ध माध्यममार्फत सार्वजनिक भएको छ । अहिलेको सन्दर्भमा कमरेड किरणको वक्तव्यमा उठान गरिएका केही सन्दर्भहरूले विशेष अर्थ राख्दछन् । नेकपा स्थापनाका सन्दर्भमा जारी वक्तव्य भएका कारण मात्र यो वक्तव्य विशेष महत्वको नभएर यसमा उठाइएका केही महत्वपूर्ण पक्षहरूका कारण यसको विशेष महत्व रहेको छ ।

१. वक्तव्यको आरम्भमा नेपालको कम्युनिस्ट आन्दोलनको सङ्घर्षमय यात्रा, दक्षिणपन्थीहरूसित क्रान्तिकारीहरूको सङ्घर्षका  साथै कम्युनिस्ट नाममा ओली-प्रचण्डको अमेरिकी सामज्यवाद तथा भारतीय विस्तारवादपरस्त चरित्रको भण्डाफोर गरिएको छ ।  ''झापा आन्दोलनका नाइके ओली र जनयुद्धका नाइके प्रचण्ड घरेलु प्रतिक्रियावादका संरक्षक र साम्राज्यवाद तथा विस्तारवादका भरपर्दा दलाल बनेका छन्"  भन्दै ओली सरकारको राष्ट्रघाती तथा जनघाती चरित्रलाई यसरी प्रस्ट पारिएको छ :

२. आफूलाई कम्युनिस्ट भन्ने सरकारले जनताका पक्षमा लडिरहेको पार्टी नेकपा (विप्लव) माथि लगाइएको प्रतिबन्ध हटाउन माग गर्नुको साथै जेलमा बन्दीका रूपमा रहेका कमरेड सुदर्शन, कमरेड उमा भुजेल र कलाकार तथा युवा नेता माइला लामाको रिहाइको पक्षमा पनि वक्तव्यमा माग गरिएको छ, यो सकारात्मक पक्ष हो l जस्तो वक्तव्यमा भनिएको छ :

३.नेपालभित्रका समस्याहरूप्रति गम्भीर देखिए पनि सभा, सम्मेलन र बैठकमा भारत तथा अन्तर्राष्ट्रिय समस्याबारे त्यति चासो नराख्ने नेकपा (क्रान्तिकारी माओवादी)ले यो बैठकमा भारतमा मोदी फासिवादले मच्चाएको राज्यआतङ्कको विरोधका साथ आजीवन कारावासको सजाय पाएका प्राध्यापक साइबाबा तथा जेलमा निर्वासित क्रान्तिकारी कवि वरवर रावको रिहाइको माग पनि यस वक्तव्यमा गरिएको छ । यो पनि यस वक्तव्यको महत्वपूर्ण पक्ष हो । जस्तो यसमा भनिएको छ :

 ४. वक्तव्यको अन्तयमा उठाइएका कुराहरू निकै महत्वपूर्ण छन् र तिनले व्यावहारिक क्रियाशीलताको माग गर्छन् । माथि भनेझैँ कम्युनिस्टको नाममा प्रचण्डओलीहरू अमेरिकी साम्राज्यवाद र भारतीय विस्तारवादको चाकरीबाज बनेका छन् र राष्ट्रिय स्वाधीनता तथा जनतन्त्रको प्रश्न असाध्यै नाजुक स्थितिमा छ । समयले नेपालका क्रान्तिकारीहरूबीच व्यापक बहसछलफल, समीक्षा र संश्लेषणको माग गरेको छर सरमाः क्रान्तिककारीहरूबीच  एकता र ध्रुवीकरणको आवश्यकता औँल्याएको छ । कमरेड किरणको वक्तव्यमा यो प्रश्नले ठाउँ पाएको छ तापनि यो अझ खुलस्त रूपमा आउनु आवश्यक छ । जस्तो यसमा भनिएको छ :

क्रान्तिले गंभीर धक्का खाएको बेला, हामीले दक्षिणपन्थी संशोधनवादका विरुद्ध सैद्धान्तिक भण्डाफोर गर्दै र सच्चा कम्युनिस्ट शक्तिहरुसंग एकता–संङ्घर्ष–रुपान्तरण मार्फत् नयाँ आधारमा नयाँ एकता निर्माण गर्नका लागि स्वच्छ वैचारिक सङ्घर्ष चलाउँदै क्रान्तिकारीहरुलाई एकताबद्घ गर्ने कोशिस गर्दै आएका छौं । पार्टी स्थापनाको यस अवसरमा हामी क्रान्तिको प्रक्रियालाई अगाडि बढाउनका लागि पुनः प्रतिबद्धता जाहेर गर्दछौं र पार्टीका सम्पूर्ण कमरेडहरु, आम जनसमुदाय र विश्व सर्वहारा वर्गप्रति हार्दिक अभिवादन व्यक्त गर्दछौं ।  दक्षिणपन्थी संशोधनवादका विरुद्ध सैद्धान्तिक भण्डाफोर गर्दै र सच्चा कम्युनिस्ट शक्तिहरुसंग एकता-संङ्घर्ष-रुपान्तरण मार्फत् नयाँ आधारमा नयाँ एकता निर्माण गर्नका लागि स्वच्छ वैचारिक सङ्घर्ष चलाउँदै क्रान्तिकारीहरुलाई एकताबद्घ गर्ने कोसिस  गर्दै आएका छौं ।