आज महान् लेनिनको जन्म दिन हो र आज नेपालमा कम्युनिस्ट पार्टी स्थापना भएको दिन पनि हो । आजकै दिन २००६ ( सन् १९४९ ) साल वैशाख १० गते २२ अप्रिलका दिन नेपाल कम्युनिस्ट पार्टीको स्थापना भएको थियो । कसैकसैले १५ सेप्टेम्बरलाई नेकपाको स्थापनाको दिन भने पनि आजको दिन नै नेपाल कम्युनिस्ट पार्टीको स्थापना भएको हो ।
यो संविधानलाई पूर्णरूपमा खारेज गर्ने र मालेमा,  नयाँ जनवाद र वैज्ञानिक समाजवादप्रति प्रतिबद्ध हुनेहरू बीचको एकता तथा धु्वीकरणसित नै नेपाली क्रान्तिको गति, दिशा र भविष्य जोडिएको छ । वर्तमानले यस यथार्थलाई अझ प्रस्टताका साथ पुष्टि गरेको छ ।
कम्युनिस्ट पार्टो थापनाको सन्दर्भ र जिम्मेवारीको कुरा गर्दा  एउटा वक्तव्य पत्रिकामा फ्यालि दिनु अथवा एउटा लेख र टिप्पणी लेख्नु मात्र पुग्दो छैन । यो औपचारिकतावाद भन्दा माथि उठेर व्यावहारिक गतिशीलतामा जानु पर्ने खाँचो छ ।  विसर्जन हुनुबाट मुक्त हुने हो भने, सही अर्थमै  नेपाली जनता,  राष्ट्रिय स्वाधीनता र क्रान्तिप्रति चिन्तित छौँ भने ,क्रान्तिकारीहरूबीच गोलबद्धता, एकता र ध्रुवीकरणतर्फ हाम्रो  चिन्ता, चासो, चिन्तन र प्रयासहरू केन्द्रित  हुनु पर्छ । यसका लागि इतिहासको समीक्षा, शिक्षा, आलोचना र आत्मालोचनाबो बाटो भएर अघि बढ्नु पर्ने हुन्छ । समयले बहस-छलफल र इतिहासको संश्लेषणको माग गरेको छ । यथार्थतः यो जिम्मेवारीबोधको प्रश्न हो । यसको आवश्यकता नेपाल कम्युनिस्ट पार्टी (क्रान्तिकारी माओवादी) र नेकपा (विप्लव) ले बोध गर्ने कि नगर्ने भन्ने प्रश्न नै अहिलेको अहम् प्रश्न हो ।
आशा गरौँ, बोधको प्रश्नले सही गति र दिशा लिनेछ ।
०००