भारतको हिन्दू फासिवादी मोदी सरकारले विस्तारवादी नीति अंगाल्दै ‘विशेष भूमि’ का रूपमा रहेको जम्मु-कास्मिरमाथि गरेको हस्तक्षेप अहिले विश्वव्यापी प्रतिक्रियाको  विषय बनेको छ । आ–आफ्नो हेराइ र बुझाइअनुसार त्यसको व्याख्या–विश्लेषण गरिएको छ । भारतका मार्क्सवादी बुद्धिजीवीहरूलगायत वामपन्थी पार्टीहरूले त्यसलाई कास्मिर र त्यहाँका जनतामाथि हिन्दू फासिवादी मोदी सरकारको हस्तक्षेप र आतंकको संज्ञा दिएका छन् । पाकिस्तानी प्रधानमन्त्री इमरान खानले मोदीको कदमलाई हिटलरको प्रवृत्तिसित दाँजेका छन्  । नेपालको ओली सरकार यस विषयप्रति मौन रहेर भारतीय विस्तारवादलाई सहयोग पुर्याउन खोजे पनि नेपालका मार्क्सवादी बुद्धिजीवीहरू तथा वाम पार्टीहरूले भारतीय हस्तक्षेपको विरोध गर्दै आफ्नो  समर्थन सङ्घर्षरत कास्मिरी जनताप्रति रहेको अभिमत जाहेर गरेका छन् । यसै क्रममा कम्युनिस्ट न्युक्लिअस नेपाल र नेकपा (क्रान्तिकारी माओवादी) का भनाइ तल प्रस्तुत गरिएको छ :