नेपालको कम्युनिस्ट आन्दोलनका अग्रज योद्धा खास गरेर गण्डक क्षेत्र, त्यसमा पनि गोरखाको कम्युनिस्ट आन्दोलनको विकासमा महत्वपूर्ण योगदान पुर्याउने कमरेड श्रीनाथ अधिकारी  ‘श्याम’  को भर्खरै निधन भएको सूचना प्राप्त भएको छ । स्वास्थ्यस्थिति एकदमै गम्भीर भएको कारण  वहाँलाई आइसियुमा राखिएको थियो l  नेकपा (क्रान्तिकारी माओवादी)का वरिष्ठ पोलिटब्युरो सदस्य कमरेड श्याम फोक्सोको क्यान्सरका  कारण केही महिनादेखि क्यान्सर अस्पताल ललिलतपुरमा उपचार गराइरहनुभएको थियो । केही दिनयता भने वहाँको स्वास्थ्य स्थिति एमदमै गम्भीर भएको, सास फेर्न गारो परेको कुराहरू प्रकाशमा आइरहेका थिए र आज असार २२ गते अहिले रातको ठीक ८बजे उहाँको निधन भएको छ l

लामो अवधिसम्म नेपालको कम्युनिस्ट आन्दोलनमा सक्रिय कमरेड श्याम प्रतिक्रियावादका विरुद्ध मात्र नभई संशोधनवादका विरुद्धमा र क्रान्तिकारी मूल्य-मान्यताका पक्षमा दृढताका साथ उभिने  नेताका रूपमा परिचित हुनुहुन्छ । निष्ठा र प्रतिबद्धताका कारण वहाँ क्रान्तिकारी पङ्क्तिमा श्रद्धाको पात्र हुनुहुन्छ ।