सो पार्टीका पोलिटब्युरो सदस्य हर्कबहादुर शाहीको मृत्यु भइसकेको छ भने माओवादी आन्दोलनको लामो अनुभव भएका कमरेड श्रीनाथ अधिकारी 'श्याम' पनि क्यान्सर रोगका कारण अशक्तताका साथ केही महिनादेखि ओषधीउपचारमा हुनुहुन्छ । कतिपयले पदीय हैसियतअनुसार जिम्मेवारी बहन नगरेको कुरा पनि सो पार्टीमा टिप्पणीको विषय बन्ने गरेको छ । सो पार्टीमा कतिपयले पूर्णकालीनकै परिभाषा प्रस्ट नभएको, कसलाई पूर्णकालीन कार्यकर्ता भन्ने र कसलाई  नभन्ने भन्ने कुरा पनि प्रस्ट नभएको किसिमका गुनासो  पनि गर्ने गरेका छन्
पार्टीको बैठकले केकस्तो सङ्गठनात्मक  तथा सङ्घर्षसम्बन्धी निर्णय गर्छ, एकता तथा धु्वीकरणका सम्बन्धमा के-कस्तो निर्णय गर्छ भन्ने कुरा सो पार्टीको बैठकपछि नै थाहा होला । तर अहिले सङ्गठनका क्षेत्रमा एकमा तीनको सिद्धान्त लागु गरोस्, जुझारु सङ्घर्षका कार्यक्रमहरू तय गरोस् र रुटिनबद्ध, गोलचक्करवादी  र घिसेपिटे कार्यशैलीबाट मुक्त भएर क्रान्तिकारी विकल्पका रूपमा यसले स्वत्त निर्माण गरोस् भन्ने कमना चाहिँ गर्न सकिन्छ ।
०००