संयुक्त राष्ट्रिय जनआन्दोलनको नेतृत्वमा २०४६ साल चेत २४ गते आन्दोलनले लिएको उच्च रूपको घटनाको सम्झना गर्दै क्रान्तिकारीहरूले हरेक वर्ष चैत २४ गते विशेष कार्यक्रम गर्दै आएका छन् । यसै क्रममा  सोही अवसर पारेर नेपाल कम्युनिस्ट  पार्टी (क्रान्तिकारी माओवादी) सम्बद्ध मोर्चा ‘देशभक्त जनगणतान्त्रिक मोर्चा, नेपाल’ (देजमो) को प्रथम राष्ट्रिय सम्मेलनको आयोजना गरेको छ । मोर्चाका अध्यक्ष चन्द्रप्रसाद गजुरेलको अध्यक्षतामा काठमाडौँस्थित भृकुटी मण्डपमा आयोजित कार्यक्रमको प्रमुख अतिथि नेपाल कम्युनिस्ट  पार्टी (क्रान्तिकारी माओवादी) का महासचिव मोहन बैद्य ‘किरण’ हुनुहुन्थ्यो ।

प्रमुख अतिथिका रूपमा बोल्दै महासचिव किरणले भन्नुभयो — “देशले नयाँ विकल्पको खोजी गरेको छ। नयाँ विकल्प खोज्नु छ । हामी त्यो विकल्प हौँ ।  सच्चा कम्युनिस्टहरू, सत्ताबाहिर रहेका जनवादी गणतन्त्र पक्षधरहरू  हामी सबै मिल्यौँ भने यो व्यवस्था ढाल्न सकिन्छ  । आन्दोलन कुराले मात्र हुन्न आवश्यक परे बन्दुक उठाउनुपर्छ । उनीहरू शासकहरूले बन्दुक राख्न पाउने जनताले राख्न नपाउने भन्ने हुन्छ ? आवश्यक परे जनआन्दोन, जनविद्रोह र सशस्त्र विद्रोहका लागि तयार हुनुपर्छ । ”

सत्ताबिना केही सम्भव नहुने भन्दै सत्ताका लागि सङ्घर्षको प्रक्रिया अगाडि बढेको उद्घोष गर्दै उहाँले भन्नुभयो : “अब सत्ताबिना अरू केही काम छैन,  सत्ता कसको जनताको कि  प्रतिक्रियावादीको ? भन्ने प्रश्न नै मूल प्रश्न हो र जनताको सत्ता स्थापनाका लागि सङ्घर्ष आवश्यक छ” ।

नेपालमा विदेशी लगानीको नाममा विस्तारवाद भित्र्याएको कुरा उल्लेख गर्दै कमरेड किरणले भन्नुभयो :

भारतीय विस्तारवादको साहरामा नेपाल प्रवेश गर्ने अमेरिकी साम्राज्यवाद अहिले सीधै नेपाल पस्न थालेको कुराको उठान गर्दै उहाँले भन्नुभयो : “इन्डो-प्यासिफिक रणनीति अनुसार नेपालमा अमेरिकाले खेल्न थालेको र सिके राउतसँगको सहमति यसैको परिणाम थियो” ।

नेत्रविक्रम चन्द ‘बिप्लव’ नेतृत्वको नेकपामाथि सरकारले लगाएको प्रतिबन्धको  पनि उहाँले खुलेर  विरोध गर्नुभयो । कम्युनिस्ट नाम गरेको  सरकारले कम्युनिस्टमाथि प्रतिबन्ध लगाएको कुराको विरोध गर्दै प्रचण्ड र ओलीलाई आफ्नो विगत हेर्न हर्ने सुझाव दिँदै उहाँले भन्नुभयो : “एक पटक ओलीजीले २८ सालको झापा विद्रोह सम्झनुस्, त्यतिबेला सरकारले उहाँहरूलाई त्यही गरेको होइन ? प्रचण्डजीले २०५२ सालको जनयुद्ध सम्झनुस्,  उहाँलाई पनि सरकारले त्यही गर्या  होइन” ?

अभिव्यक्तिका क्रममा उहाँले थप भन्नुभयो :

त्यसैगरी क्रान्तिकारीहरूबीच एकताको सन्दर्भमा आफ्ना अनुभवहरूबारे उहाँले भन्नुभयो ;

देशैभरिका कार्यकर्ताको उत्साहजनक उपस्थिति रहेको सो कार्यक्रमअघि उपत्यकाका विभिन्न स्थानबाट निस्केको जुलुस नगरपरिक्रमा गरी भृकुटीमण्डपमा केन्द्रित भएको थियो ।