ताजा समाचारतत्काल कुनै पार्टीसँग एकता सम्भव छैन : किरण
तत्कालीन नेपाल कम्युनिस्ट पार्टी- माओवादीबाट अलग्गिएको एउटा समूहका नेता कार्यकर्ताहरूले ''कमरेड किरणसित हाम्रो जिएसको निरन्तर भेट र बार्ता भइहेरहेको र नमिलेका कुराहरू मिलाउंदै जाने र भरिसक्के पार्टी एकता गर्ने नभए मोर्चा बनाएर जाने भनेर निर्णय भएको" भनेर बजार हल्ला चलाइरहेको अवस्थामा नेपाल कम्युनिस्ट पार्टी (क्रान्तिकारी मओवादी) का अध्यक्ष मोहन बैद्य 'किरण' ले पार्टी एकता सम्बन्धी पछिल्लो धारणा प्रस्ट पार्दै ''अहिले क्रान्तिकारी माओवादी पार्टीको कार्यदिशा र योजनामा सहमत व्यक्तिलाई पार्टीमा सहभागी हुन बाटो खुल्ला गरिएको भए पनि कुनै पार्टीसँग पनि विचार र सिद्धान्त नमिलिकन एकता हुन नसक्ने" भन्नु भएको कुरा नेकपा (क्रान्तिकारी माओवादी) नजिक रहेको अनलाइन 'मूलबाटो' ले जनाएको छ l केहि दिन अघि मात्र नेपाल कम्युनिस्ट पार्टी (क्रान्तिकारी मओवादी) को कार्यालय बैठक बसी एकताका सम्बन्धमा गरिएको निर्णयमा यसो भनिएको थियो : ''विभिन्न घटकहरूमा छरिएर रहेका क्रान्तिकारी कम्युनिस्टहरूलाई एकताबद्ध तुल्याउन, नयाँ ढङ्गले क्रान्तिकारी कम्युनिस्ट पार्टीको निर्माण गर्न र ध्रुवीकरणको प्रक्रियालाई गति दिनका लागि आवश्यक पहल गर्ने निर्णय लिइएको छ l"
नेपाल कम्युनिस्ट पार्टी (क्रान्तिकारी माओवादी) का नेता किरण र नेपाल कम्युनिस्ट पार्टी (माओवादी) का नेता विप्लवबीच भेट भएको भनिएको सन्दर्भ र सेरोफेरोमा आएको सो वक्तव्यप्रति खास गरेर विप्लव समूहका कार्यकर्ता बढी उत्साहित भैरहेको अवस्थामा कमरेड किरणबाट आएको पछिल्लो धारणाले अन्योल उत्पन्न गराएको कुरा क्रान्तिकारी माओवादीका नाम बताउन नचाहने एक जना नेताले जानकारी गराएका छन् l क्रान्तिकारी माओवादीको एउटा तप्का चुनावमा भाग लिने भए माओवादी केन्द्रसित किन एकता नगर्ने भन्ने स्थितिमा रहेको र पार्टी विभाजन भएको २ वर्षसम्म जहाँको तहीं रहेको र कार्यकर्तामा निरासा आउँन थालेकाले बैद्य समूहसित एकता किन नगर्ने भन्ने बहस विप्लव समूहमा चल्न थालेको कुरा पनि थाहा हुनआएको छ l
क्रान्तिकारीहरू एकता हुनुपर्ने, ध्रुबीकरण हुनुपर्ने भन्ने विषय राम्रो भए पनि को क्रान्तिकारी भन्ने कुरा प्रस्ट नभएको अवस्था र सबैभन्दा प्रमुख कुरा कर्यदिशामै आन्योल रहेको अवस्थामा हतारमा एकता गर्नुको अर्थ छैन भन्ने कुरामा दुई मत छैन l दुवै पार्टीले आगामी सम्मेलन तथा महाधिवेशनमा लिने नीतिले नै एकतासम्बधी ठोस वातावरण तयार पार्ने छ भन्ने कुराको आशा गर्न सकिन्छ l
कुराकानी
हामी जनयुद्धको सफलताप्रति पूर्ण विश्वस्त छौं : बसबराज, महासचिब भाकपा (माओवादी)
सन् १९५३ मा स्टालिनको र सन् १९७६ मा माओको मृत्यु भयो । त्यसपछि खु्स्चेवको नेतृत्वमा रुसले सारा समाजवादी मूल्यहरू ध्वस्त पार्दै सामाजिक....
मोहन बैद्य 'चैतन्य' सित 'शमी' वार्ता
साहित्य र राजनीति फरक फरक विषय हुन् । साहित्य कलात्मक हुनुपर्छ, यो
बिम्ब, प्रतीक, अलङ्कार, भावधारा र सौन्दर्यसँग जोडिएको हुन्छ । राजनीति,....
सबैभन्दा गम्भीर समस्या नेताहरूमै छ
(यो ऋषिराज बरालको अलि पुरानो अन्तर्वार्ता हो, तर ताजै जस्तो लाग्छ l यसमा
उठाइएका मुद्दाहरू अहिलेको सन्दर्भमा पनि उत्तिकै सान्दर्भिक छन् ...
देशलाई अर्धऔपनिवेशिक तथा नवऔपनिवेशिक अवस्थाबाट मुक्त गर्नका लागि निर्णायक संघर्षमा जानु पर्दछ : कमरेड किरण
(नेपाल कम्युनिस्ट पार्टी (क्रान्तिकारी माओवादी) का महासचिव कमरेड किरणको पछिल्लो अन्तर्वार्ता प्रकाशित भएको छ । समसामयिक विषय....
भिडियो फिचरview all
