चीनप्रतिको दुतेर्ते सरकारको नीतिप्रति अमेरिका असन्तुष्ट भइरहेको अवस्थामा ‘दक्षिण-चीन सागर’को विषयलगायतका विषयलाई लिएर चिनियाँ राष्ट्रपति सि जिनपिङ फिलिपिन्स भ्रमणमा छन् । केही दिनअघि मात्र फिलिपिन्स कम्युनिस्ट पार्टीले ‘दुतेर्ते सरकार फिलिपिन्सलाई चीन-अमेरिका युद्धमा घसिटतैछ’ भनेर वक्तव्य प्रकाशित गरेको थियो अहिले । सो पार्टीले आफ्नो प्रकाशनमा ‘फिलिपिन्समा चिनियाँ साम्राज्यवादी हैकम लाद्ने प्रयासको प्रतिरोध गरौँ’ शीर्षकमा नोभेम्बर २०, २०१८ मा एउटा लेख प्रकाशित गरेको छ । त्यसमा साम्राज्यवादी अमेरिकाका झैँ साम्राज्यवादी चीन पनि अनेक बहाना बनाएर फिलिपिन्समा  आफ्नो साम्राज्यवादी स्वार्थ पूरा गर्न चाहन्छ भनिएको छ ।
 सो लेखमा फिलिपिन्सलाई अमेरिकी साम्राज्यवाद र  चिनियाँ साम्राज्यवादको खेलमैदान नबनाउन दुतेर्ते सरकारलाई चेतावनी दिनुका साथै र राष्ट्रिय स्वाधीनताका लागि लड्न फिलिपिन्सका जनतालाई आह्वान पनि गरिएको छ ।