नेकपा (एमाले) र  नेकपा  (माके ) बीचको एकताको घोषणाको तयारी चलिरहेको सन्दर्भमा क्रान्तिकारी पार्टीका नेताहरूले एकताका सम्बन्धमा धारणा राख्दै सो एकता प्रतिक्रियावादी कित्तालाई बलियो बनाउने उदेश्यका साथ आएको भन्दै  अब क्रान्तिकारीहरूका सामु पनि क्रान्तिकारी केन्द्र बनाउने तर्फ पहल गर्नु पर्ने र बिभिन्न समूहमा रहेका क्रान्तिकारीहरूलाई एकता प्रक्रियामा ल्याउनु पर्ने दायित्त्व रहेको कुरा उल्लेख गरेका छन्  ।

एमाले र माकेबीच भएको एकताका सन्दर्भमा  आफ्नो पार्टी सम्बद्ध अनलाइनमा प्रतिक्रिया दिंदै नेकपा (क्रान्तिकारी माओवादी) का वरिष्ठ नेता तथा 'देजमो' का अध्यक्ष सिपि गजुरेल भन्छन् :

त्यसै गरी नेकपा (क्रान्तिकारी माओवादी) प्रवक्ता तथा स्थायी समिति सदस्य हरिभक्त कँडेलले आज एक वक्तव्य जारी गर्दै माके र एमालेभित्रका देशभक्त तथा क्रान्तिकारी नेता कार्यकर्तादेखि समर्थक जनतासम्मलाई नेपाली कम्युनिस्ट  आन्दोलनको क्रान्तिकारी धारमा ध्रुवीकृत हुन अपिल गरेका छन् । वक्तव्यमा भनिएको छ :  ''प्रतिक्रियावादी बाटो पकडिसकेको दक्षिणपन्थी संशोधनवादीहरुको गठजोडबाट उत्पन्न परिस्थितिको गम्भीरतापूर्वक समीक्षा गर्दै क्रान्तिकारी आन्दोलनलाई अघि बढाउने जिम्मेवारी अब हाम्रो काँधमा आइपुगेको छ । आजको यस घडीमा मालेमावादप्रति निष्ठावान क्रान्तिकारीहरु, घाइते/अपाङ्ग, बेपत्ता योद्धा, सहिद परिवार र पूर्वजनमुक्ति सेनालगायत सम्पूर्ण परिवर्तनकामी जनसमुदायलाई क्रान्तिकारी धारमा ध्रुवीकृत हुन नेकपा (क्रान्तिकारी माओवादी) हार्दिक अपिल गर्दछ ।"

वक्तव्यको पूर्णपाठ यस्तो छ :

        

 देशमा दलाल तथा नोकरशाही पुँजीवाद, सामन्तवाद र विस्तारवाद तथा साम्राज्यवादद्वारा हुँदै आएको उत्पीडनको अन्त्य गरी नयाँ जनवादी राज्यसत्ताको स्थापना गर्दै समाजवाद र साम्यवादको दिशामा अघि बढ्नका लागि अनेकौं जनआन्दोलन, सशस्त्र जनसंघर्ष र दशवर्षे जनयुद्ध भए । परिवर्तनका यी सबै महान प्रक्रियामा जनताका हजारौं छोराछोरीले सहादत प्राप्त गरे, हजारौं वेपत्ता पारिए, कैयौं योद्धाहरु घाइते÷अपाङ्ग बनाइए । परन्तु, आन्दोलन तथा जनयुद्धकै मूल नेतृत्व प्रचण्ड मण्डलीले वर्गीय तथा राष्ट्रिय आत्मसमर्पणवादको बाटो पकडी परिवर्तनको महान प्रक्रियामाथि धोका, विश्वासघात र गद्दारी गर्न पुग्यो । फलतः पश्चगामी राज्यसत्ता र उही पुरानै संसदीय व्यवस्थाको सेरोफेरोको गोलचक्करमा आज देश फस्न पुगेको छ, मालेमावादको आधारभूत मान्यता विपरीत सम्झौता र सत्ताको लेनदेन गरी जनताको वलिदानको अबमूल्यन हुन पुगेको छ । त्यसैको पछिल्लो कडीको रुपमा माके–एमालेले एकताको तथाकथित नाटक मञ्चन गरेका छन् । मालेमावाद र जनयुद्धको विचार, आदर्श र मूल्य मान्यतालाई परित्याग गरिसकेको माके आजैबाट औपचारिक रुपमा दक्षिणपन्थी संशोधनवाद तथा अवसरवाद हुँदै संसदीय मूल प्रवाहको एमालेको प्रतिक्रियावादीधारमा समाहित हुन पुगेको छ ।