काठमाडौं, कात्तिक१८, भारतीय राष्ट्रपति प्रणब मुखर्जीको नेपाल भ्रमणका नाममा सार्वजनिक विदा दिनेलगायत आम जनजीवनलाई प्रभवित पार्ने सरकारी गतीबिधिका कारण १५ गतेदेखि नै काठमाडौंको जनजीवन आक्रान्त एक हिसाबले आतंकित हुनपुग्यो l  हिजो दिनभर काठमाडौंको जीवन कर्फ्युं लागेजस्तै  भयो l गतसाल यसै समयमा नाकाबन्दीको कहर सहेका नेपाली जनताले मुखर्जीलाई अलिकति पनि स्वागत गर्न चाहेका थिएनन् l परन्तु मुखर्जीको भ्रमणलाई सफल पार्ने नाममा प्रचण्ड सरकारले जेजस्तो व्यवहार देखायो, यसले उनको राष्ट्रिय आत्मसमर्पणवादलाई राम्रोसित पुष्टि गरेको छ र आमजनमानसले  यसलाई लम्पसारवादको संज्ञा दिएका छन् l खास गरेर सामाजिक संजालहरू प्रचण्डको लम्पसारवादको टिप्पणीले भरिएका छन् l स्मरण रहोस् कटुवाल हटाउ प्रकरणमा  मुखर्जीले प्रचण्ड हटाउन् आफूले प्रमुख भूमिका खेलेको कुरा सार्वजनिक रूपमै भनेका थिए l प्रचण्ड अलिकति पनि ईख र स्वाभिवान नभएका व्यक्ति रहेछन भन्ने कुरा प्रमाणित  भएको छ l

जनतन्त्र र राष्ट्रियताको पक्षमा रहेका भनिएका राजनीतिक पार्टीहरू सडकमा नदेखिए पनि कतिपय नागरिकले  कालो झन्डासहित सडकमा निस्केर गिरफ्तारी दिए l  मुखर्जीको यात्रालाई कति  लामो भन्दै उनी  कहिले भारत फर्केलान भनेर व्यग्रताका साथ  पर्खीरहेका छन् l जनजीवनलाई आतंकित बनाएर गराइएको यस किसिमको भ्रमणले भारतीय विस्तारवाद्प्रति नेपाली जनाता कति घृणा गर्दा रहेछन् र नेपालका सत्ताधारीहरु चाहिं कति सारो लम्पसार पर्दा रहेछ भन्ने कुरा चाहिँ पुष्टि भएको छ l

नयाँ जोगीले  खरानी धेरै घस्छ  भनेझैं प्रचण्ड ऐतिहासिक रूपमै भारतका सामु लम्पसार परेको  र उनको राष्ट्रिय आत्मसमर्पणवादको चौतर्फी निन्दा र विरोध भइरहेकोबेला पूर्व प्रधानमन्त्री केपी ओलीले मुखर्जीको सम्मानमा भारतीय राजदूतावासमा दिइएको भोज वहिष्कार गरेर भारतीय विस्तारवादी नीतिलाई ठाडै चुनौती दिनुको साथै प्रचण्डलाई पनि  राम्रो शिक्षा दिएका छन् l प्रोटोकल नमिल्दा पनि मुखर्जीलाई द्वारिका होटेलमा भेटन जाने प्रचण्ड र भोज बहिष्कार गर्ने ओली यतिबेर समाचारका विशेष पात्र बनेका छन् l यसैबीच प्रचण्डको राष्ट्रिय आत्मसमर्पणवादी चिन्तन- व्यवहारलाई लिएर उनको पार्टीमा पनि तीव्र विवाद उत्पन्न भएको समाचारहरू बाहिर आएका छन् l