भारतीय कम्युनिस्ट पार्टी (माओवादी) ले यही फेब्रवरी १७ तारिखमा दिन एक प्रेस वक्तव्य जारी गरी फेब्रवरी २७ मा ''भारत बन्द" को आह्वान गरेको छ l वक्तव्यमा केन्द्र तथा छत्तिसगढ़ सरकारको जनविरोधी नीतिका कारण बन्दको आह्वान गर्नुपरेको कुरा उल्लेख गरिएको छ l

भारतीय कम्युनिस्ट पार्टी (माओवादी) का दक्षिण उप-अञ्चल ब्युरो सचिव कमरेड गणेशद्वारा जारि गरिएको वक्तव्यमा 'नोटबन्दी' मार्फत सरकारले  ठूला कम्पनीहरू, बहुराष्ट्रिय कम्पनीहरूलाई नै सहयोग पुर्याएको र आम मानिस उल्टै मारमा परेको कुरा उल्लेख गरिएको छ l

वक्तव्यमा 'नोटबन्दी' का कारण मुलुकमा मुद्रास्फीति,  बेरोजगारी र गरिबी बढेको कुरा पनि उल्लेख गरिएको छ l साथै सुकमा जेलमा रहेका 'तेलंगाना लोकतान्त्रिक मोर्चा' का सातजना सदस्यको रिहाइको पनि माग गरिएको छ l
 यसका साथै बस्तरमा जनता दबाउन निर्माण गरिएको 'बस्तर बटालियन' र छत्तिसगढ़मा महिलामाथि भएको बर्बर आतंक तथा हिंसाको पनि विरोध गरिएको छ र त्यस्ता प्रहरीमाथि कारवाही गरिनु पर्ने माग पनि गरिएको छ l