फिलिपिन्सको माओवादी पार्टी ‘कम्युनिस्ट पार्टी अफ दि फिलिपिन्स’ ले  फेव्रवरी १५ मा  वक्तव्य जारी गरी दुतार्ते सरकारले देशव्यापी रूपमा मच्चाएको धरपकडको तीव्र निन्दा तथा भ्रत्र्सना गरको छ र राज्यआतङ्कका विरुद्ध सडकमा आउन आमजनतालाई अपिल  गरेको छ ।

गत अक्टोबरदेखि एक तर्फी युद्धविराम गरेर फिलिपिन्सको दुतार्ते सरकारसित शान्ति वार्तमा रहेको फिलिपिन्स कम्युनिस्ट पार्टी र दुतार्ते सरकाबीच वार्ताका सन्दर्भमा भएका समझदारी र सहमति, खास गरेर राजबन्दीको रिहाइजस्ता विषयमा कुरा नमिलेपछि र वार्ताका क्रममा सरकारले सैन्य गतिविधि विस्तार गरेपछि यही फेब्रवरी १० तारिख देखि फिलिपिन्स कम्युनिस्ट पार्टीले युद्धविरामको अन्त्यको घोषणा गरेको थियो र जनसेनालाई प्रतिरोधका लागि सजग हुन आह्वान गरेको थियो । यसपछि विभिन्न ठाउँमा धरपकड तथा झडपहरू भइरहेको अवस्थामा पार्टीको तर्फबाट अपिल जारी गरिएको हो ।

''कार्यकर्ता तथा जनता विरुद्ध लादिएको चौतर्फी युद्धका विरुद्ध” भन्ने नाम दिइएको सो अपिलमा  भनिएको छ:
 
''दुतार्ते  सरकारका प्रहरी र सेनाले  फेब्रवरी ४ देखि १२ सम्म देशको विभिन्न भाग हत्या, गिरफतार र दमन तीव्र पारिएको छ र महानगर मनिलाबाट मात्रै १९ जना पार्टी समर्थकहरू तथा कार्यकर्ताहरूलाई पक्राउ गरिएको छ।  साथै धरपकड र दमनको प्रक्रियालाई ग्रामिण क्षेत्रमा पनि विस्तारित गरिएको छ र दमनको केन्द्र बढीभन्दा बढी पार्टी प्रभावित क्षेत्रलाई बनाइएकाले पार्टी यसको घोर निन्दा तथा भ्रत्र्सना गर्दछ र प्रतिरोधमा उत्रिन आम जनता  तथा कार्यकर्तालाई आव्हान  गर्दछ ।”

अपिलमा अगगाडि भनिएको छ :

“यो सबै काम राष्ट्रिय सुरक्षा सल्लाहकार हमोजेन्स उसपेरेन तथा सेनाको प्रमुख अन्नोको नेतृत्वमा भएको छ । अहिलेको दमन र आक्रमणको शैलीले  २००५ देखि २००९ सम्म भएको दमनको सम्झना गराएको छ । महासेनानी  अन्नोले ‘तिनीहरूलाई सखाप पार्ने”  भनेर दिएको मन्तव्यसँगै आरम्भ भएको यो दमनको सिकार आम जनता र सामान्य कायकर्ता भएका छन्, यो जनतामाथि युद्ध लाद्ने काम हो । पक्राउ परेकालाई हत्या र विभिन्न किसिमकाको अपराधमा संलग्न भनी मुद्दा चलाउन गरिएको  प्रयास निन्दनीय छ ।”

पार्टीले १२ फेब्रवरीमा पक्राउ परेका कार्यकर्ता तथा सर्वसाधारणको नाम सावर्जनिक गरेको छ । वक्तव्यमा भनिएअनुसार  र मिन्डानाओमा कम्युनिस्टलाई सहयोग गरेको भनेर बस्ती नै खाली गर्न गरिएको दमन छ ।  बालान र काउलो क्षेत्रबाट करिब १०० परिवार राज्यआतङ्कका कारण विस्थापित भएका छन् । खासगरेर युवाहरूलाई पक्राउ गरेर जनसेनाको सदस्य भन्दै मुद्धा चलाउने काम भएको छ । त्यसैगरी ११ तारिखका दिन कापिज प्रान्तमा एकजनाका हत्या गरिएको छ र अरू ५ जनालाई घाइने बनाइएको छ ।

वक्तव्यमा प्रहरीसित भिजिलान्तेहरू समेत मिसिएर गाउँलेमाथि दमन, आतङ्क र हत्याको शृङुखला चलाइएको छ र चोतर्फी आतङ्कको वातावरण बनेको छ भनिएको छ । समग्र रूपमा जनताका विरुद्ध भीषण दमन चलाइएकाले मानअधिकारवादीहरूले यसप्रति गम्भीर हुन पनि वक्तव्यमा अपिल गरिएको छ ।