अनलाइन 'इः रातोखबर’ अनुसार नेकपा (बिप्लव) का दुई जना केन्द्रीय सदस्य चूडामणि ओली ‘आदर्श’ र चन्द्रबहादुर खड्का ‘असल’, रोल्पा जिल्ला सेक्रेटरी चित्रबहादुर बुढा र सहिद परिवार सदस्य लालबहादुर ओली ‘विश्व’ लाई यही वैशाख ६ गते दाङ जिल्लाको तुलसीपुर नगरपालिका र रोल्पाबाट ओली सरकारले पक्राउ गरेको छ । चूडामणि ओली ‘आदर्श’ जनयुद्धकाल देखिकै रोल्पाका पुराना नेता हुन् भने चन्द्रबहादुर खड्का ‘असल’ नेकपा (बिप्लव) का जुझारु युवा नेताका रूपमा जानिन्छन् । सो अनलाइनका अनुसार पक्राउ गरिएकाहरूलाई कहाँ राखिएको छ भन्ने कुरा थाहा हुन सकेको छैन ।