भारतमा यही अप्रिल ११ तारिखदेखि हुन लागेको लोकसभा निर्वाचनलाई सक्रिय रूपमा बहिष्कार गर्ने आह्वानसहित प्रचारात्मक तथा फौजी माध्यममार्फत वहिष्कार अभियानलाई तीव्र बनाइरहेको भाकपा (माओवादी) ले थापेको एम्बुसमा परेर सत्ताधारी पार्टी भारतीय जनता पार्टीका विधायक  भीमा माण्डवीसहित अन्य ५ जना सुरक्षा फौजको मृत्यु भएको छ ।

 पहिलो चरणको निर्वाचनमा परेको छत्तीसगढ राज्यको दन्तेवाडा जिल्लाको  श्याम गिरी क्षेत्रमा भएको सो घटनामा अन्य ५ जना सुरक्षा फौजका सदस्य मरणासन्न अवस्थामा रहेको कुरा पनि भारतीय समाचार माध्यमले जानकारी गराएका छन् । चुनावप्रचारको क्रममा अघिपछि प्रहरीको सुरक्षासहित हिँडेकाविधायक माण्डवी  अप्रिल  ९ तारिखका दिन बेलुका ४.३० बजे एम्बु्समा परेका हुन् । एम्बुसमा सो गाडी निकै माथि हावामा उडेका कारण एम्बुस शक्तिशाली भएको कुरा पनि समाचार माध्यमहरूले जनाएका छन् ।