नेपाल कम्युनिस्ट पार्टी (क्रान्तिकारी माओवादी) का महासचिव कमरेड मोहन बैद्य ‘किरण’ ले एक वक्तव्य जारी गर्दै यही असार १६ गते नेकपा-विप्लवद्वारा आयोजित पार्टी प्रवेशसम्बन्धी कार्यक्रममा गरिएको प्रहरी हस्तक्षेप र इश्वरी दाहाल ‘असारे’ सहितका कमरेडहरूको  गिरफ्तारीको विरोध र पक्राउ गरिएकाहरूको अबिलम्ब रिहाइको माग गर्नु भएको छ । वहाँले ''शान्तिपूर्ण रुपमा कार्यक्रम गरिरहेको समयमा यसरी गिरफ्तार गरिनु निरंकुशता तथा फासिवादकै अभ्यास हो", भन्नुभएको छ  ।''हालै एउटा शान्तिपूर्ण कार्यक्रममा भेला भइरहेको बेला नेकपासित सम्बद्ध क. असारे काका, क. पदम राई, क. भरत बमलगायतका करिब ४ दर्जन जति नेता तथा कार्यकर्ताहरुलाई गिरफ्तार गरी प्रहरी हिरासतमा राखिएको छ भनी आएको समाचार प्रति हाम्रो ध्यानाकर्षण भएको छ । शान्तिपूर्ण रुपमा कार्यक्रम गरिरहेको समयमा यसरी गिरफ्तार गरिनु निरंकुशता तथा फासिवादकै अभ्यास हो । आफूलाई कम्युनिष्ट तथा वाम बताउने सरकारको यस प्रकारको निन्दनीय गतिविधिको हामी कडा विरोध तथा भत्र्सना गर्दछौं । साथै, गिरफ्तार गरिएका क. असारे काका, क. पदम राई, क. भरत बम सहितका नेता कार्यकर्ताहरुको अविलम्ब रिहाईका लागि सरकारसित हामी जोडदार माग गर्दछौं । "