ताजा समाचारउसलाई थाहा थियो
पवित्रा लामा
जब ऊ हिँडेथ्यो आफ्नो घरबाट
आँखाभरि, मुटुभरि, छातिभरि
बोकेर सपना बासभूमिको
ऊ जान्दथ्यो,
यो उसको अन्तिम यात्रा हो
यो उसको अन्तिम लडाइँ हो ।
उसले छोइराख्यो देउता थान
उसले खुवायो परेवालाई अन्नका दाना
उसले गोडीराख्यो मकैका ससाना बोट
ढोग्यो आमालाई,
हात हल्लाउँदै बिदा माग्यो गाउँघरकालाई
मिलायो पाइला सहोदरहरूसित
र हिँड़्यो अन्तिम लडाइँ लड़्न
निहत्था ।
उसलाई थाहा थियो,
ऊ आज पक्रा पर्न सक्छ
सत्ताको निर्मम लौरोले
ऊ आज रगतपच्छे हुनसक्छ
जेल हुनसक्छ, नेल हुनसक्छ
ऊ आज सहिद पनि हुनसक्छ
उसलाई थाहा थियो,
वासभूमिको लड़ाइँमा सहिद हुनभन्दा
धेरैधेरै सजिलो थियो रमिते बन्न
धेरैधेरै सजिलो थियो मीरजाफर बन्न
अझ धेरै सजिलो थियो गद्दार बन्न
तर ऊ विश्वविजयी गोर्खाको सन्तान थियो
तर ऊ खाँटी योद्धाको सन्तान थियो
र त ऊ निस्क्यो तिरङ्गालाई अङ्गालेर
सहिदको सपना पूरा गर्न
सयबर्से निद्रालाई त्यागेर
ऊ उत्रियो मूल सड़कमा
र आँटकै भरमा लल्कार्यो सत्रु सत्तालाई
छात्तीमा थाप्यो तातो गोली
र ढल्यो पुर्लुक्क भन्दै आमा....!!!
उसलाई थाहा थियो
उसको हरेक पाइलाले तय गरेको दुरीले
साकार बनाउनेछ हजारौं सहिदहरूको सपना
पुर्खाहरूको पौरख र माटोको गौरव
फर्काइल्याउन जब निस्क्यो ऊ घरबाट
उसलाई थाहा थियो
यो उसको अन्तिम यात्रा हो
यो उसको अन्तिम लड़ाइँ हो ... ।
०००
(गुराँस २३, गोर्खाल्यान्ड अङ्कबाट)
जब ऊ हिँडेथ्यो आफ्नो घरबाटआँखाभरि, मुटुभरि, छातिभरि
बोकेर सपना बासभूमिको
ऊ जान्दथ्यो,
यो उसको अन्तिम यात्रा हो
यो उसको अन्तिम लडाइँ हो ।
उसले छोइराख्यो देउता थान
उसले खुवायो परेवालाई अन्नका दाना
उसले गोडीराख्यो मकैका ससाना बोट
ढोग्यो आमालाई,
हात हल्लाउँदै बिदा माग्यो गाउँघरकालाई
मिलायो पाइला सहोदरहरूसित
र हिँड़्यो अन्तिम लडाइँ लड़्न
निहत्था ।
उसलाई थाहा थियो,
ऊ आज पक्रा पर्न सक्छ
सत्ताको निर्मम लौरोले
ऊ आज रगतपच्छे हुनसक्छ
जेल हुनसक्छ, नेल हुनसक्छ
ऊ आज सहिद पनि हुनसक्छ
उसलाई थाहा थियो,
वासभूमिको लड़ाइँमा सहिद हुनभन्दा
धेरैधेरै सजिलो थियो रमिते बन्न
धेरैधेरै सजिलो थियो मीरजाफर बन्न
अझ धेरै सजिलो थियो गद्दार बन्न
तर ऊ विश्वविजयी गोर्खाको सन्तान थियो
तर ऊ खाँटी योद्धाको सन्तान थियो
र त ऊ निस्क्यो तिरङ्गालाई अङ्गालेर
सहिदको सपना पूरा गर्न
सयबर्से निद्रालाई त्यागेर
ऊ उत्रियो मूल सड़कमा
र आँटकै भरमा लल्कार्यो सत्रु सत्तालाई
छात्तीमा थाप्यो तातो गोली
र ढल्यो पुर्लुक्क भन्दै आमा....!!!
उसलाई थाहा थियो
उसको हरेक पाइलाले तय गरेको दुरीले
साकार बनाउनेछ हजारौं सहिदहरूको सपना
पुर्खाहरूको पौरख र माटोको गौरव
फर्काइल्याउन जब निस्क्यो ऊ घरबाट
उसलाई थाहा थियो
यो उसको अन्तिम यात्रा हो
यो उसको अन्तिम लड़ाइँ हो ... ।
०००
(गुराँस २३, गोर्खाल्यान्ड अङ्कबाट)
कुराकानी
हामी जनयुद्धको सफलताप्रति पूर्ण विश्वस्त छौं : बसबराज, महासचिब भाकपा (माओवादी)
सन् १९५३ मा स्टालिनको र सन् १९७६ मा माओको मृत्यु भयो । त्यसपछि खु्स्चेवको नेतृत्वमा रुसले सारा समाजवादी मूल्यहरू ध्वस्त पार्दै सामाजिक....
मोहन बैद्य 'चैतन्य' सित 'शमी' वार्ता
साहित्य र राजनीति फरक फरक विषय हुन् । साहित्य कलात्मक हुनुपर्छ, यो
बिम्ब, प्रतीक, अलङ्कार, भावधारा र सौन्दर्यसँग जोडिएको हुन्छ । राजनीति,....
सबैभन्दा गम्भीर समस्या नेताहरूमै छ
(यो ऋषिराज बरालको अलि पुरानो अन्तर्वार्ता हो, तर ताजै जस्तो लाग्छ l यसमा
उठाइएका मुद्दाहरू अहिलेको सन्दर्भमा पनि उत्तिकै सान्दर्भिक छन् ...
देशलाई अर्धऔपनिवेशिक तथा नवऔपनिवेशिक अवस्थाबाट मुक्त गर्नका लागि निर्णायक संघर्षमा जानु पर्दछ : कमरेड किरण
(नेपाल कम्युनिस्ट पार्टी (क्रान्तिकारी माओवादी) का महासचिव कमरेड किरणको पछिल्लो अन्तर्वार्ता प्रकाशित भएको छ । समसामयिक विषय....
भिडियो फिचरview all
